ភ្នំពេញ៖ របាយការណ៍របស់ក្រសួងសាធារណការនិងដឹងជញ្ជូន បានឲ្យដឹងថា ក្នុងខែមីនា ឆ្នាំ២០២២ ក្រសួងបានចាប់រថយន្តដឹកលើសទម្ងន់ចំនួន ២៨២គ្រឿង និងពិន័យថវិកាជាង ៤៩៩លានរៀល។
របាយការណ៍បានឲ្យដឹងទៀតថា ចំនួននេះមានការថយចុះ ១៧គ្រឿង ស្មើ៥% បើធៀបនឹងទិន្នន័យ ខែកុម្ភៈ ឆ្នាំ២០២២ កន្លងទៅដែលមានចំនួន ២៩៩ គ្រឿង ។
ទោះជាយ៉ាងណា ក្រសួងនៅតែស្នើដល់ម្ចាស់រថយន្តដឹកទំនិញទាំងអស់ឱ្យឈប់ដឹកជញ្ជូនលើសទម្ងន់ ដោយថាសកម្មភាពនេះបានបំផ្លាញផ្លូវជាតិដែលនាំឱ្យខាតបង់ថវិកាជាតិ ព្រមទាំងបង្កនូវគ្រោះថ្នាក់ប៉ះពាល់ដល់ទ្រព្យសម្បត្តិសាធារណៈ និងជីវិតមនុស្សផងដែរ៕
ព័ត៌មានជាច្រើនទៀតសម្រាប់អ្នក
